Cheers to Anushka producer.
13.3.2015
Anushka Sharma
produced aur Navdeep Singh directed Nh10
do Bharat ki kahani hain.
Ek Bharat, jahan
Delhi mein basne wali Meera, ad agency ki creative head hain, aur samaj ke liye
nirnay leti hain.
Doosra Bharat,
jahan Haryana mein basi Pinky ko apni pasand ke ladke se shaadi karne ki bhi
ijaazat nahi.
Aur inn dono yaane
Gurgaon aur Punjab ke beech hain National Highway, jahaan koi surakshit nahin –
na aurat, na mard, hathyaar ke saath ya hathyaar ke bagair!
Director Navdeep
Singh apne kirdaar, shehar aur roz ke mauhaul ko behad naturally pesh karte
hain.
Pehle scene se interval tak film mein ek tension hain jo aap ko jakad kar
rakhta hain!!
Writer Sudip Sharma
ki kahani dilchasp hain magar contrived bhi. Film ka action hard hitting hain
aur excessively violent bhi...
Film ka plus fiilm
ka extra-ordinary sound aur samajik vishay. Film ki anokhi casting aur
performances - Ammaji ki bhumika mein Deepti Naval aur negative role mein
DarshanKumar.
2007 ki Rab Ne Bana Di Jodi mein debut karne
wali Anushka Sharma sirf saat saal mein producer ban gayi hain aur wo bhi aisi
film ki producer, jismein manorajan nahi
muddein hain!
NH 10 mein beshaq khamiyaan hain – magar neeyat nek hain, film ke sandesh mein
matbhed hain magar himmat bhi.
Anushka Sharma ki Meera daudti hain, thakti nahi, zakhmi
hoti hain, tootti nahin!
NH 10 ko actor aur producer Anushka Sharma ke vishwas ke liye Big
Entertainment Ratings milte hain 3.5 stars.
Bhawana Somaaya/ @bhawanasomaaya
No comments:
Post a Comment