Namaskar - Cinema review mein – main Bhawana Somaaya- aapka swagat karti hoon.
Aaj- saal 2011 ka aakhri Friday hain – aur Excel Entertainment ki Don 2 – iss saal ki aakhri film.
Saal ki aakhri release ka waise bhi besabri se intezaar hota hai - kyon ki iss hafte ki release Shah Rukh Khan ki film hain – remake ka sequel hain - aur Excel Entertainment ka sabse mega project hain – the excitement is all the more!
Saal 2006 mein – Farhan Akhtar ne humme 70s ki Don ka remake diya…
Iske baad -2007 se 2011 tak - unhone as an actor - char filmein ki –Rock On, Luck By Chance, Kartik calling Kartik aur Zindagi Na Milegi Dobarra.
Iske sivay unhone kuch filmein produce ki - aur kuch filmein likhi…
Ab paanch saal ke antaral ke baad - Farhan apni teesri directorial venture laaye hai - Don 2.
Don ke climax mein - Shah Rukh Khan - Priyanka Chopra ki madad se faraar hojate hain.
Don 2 mein - Shah Rukh duniya ka sabse khatarnakh criminal ban chukke hain!
Roma –yaane Priyanka Chopra –detective agency ki sabse honahar officer hain – aur ab bhi Don ki talash mein hai…
Don - Europe se Bangkok– aur Zuric se Berlin –apne dushmanon ko khatam karne mein laga hai aur Roma - Don ka peecha karte karte - Berlin
Film ka premise zahir hain - jana pehchana hain …
Kya paanch saalon mein Don kuch badal gaya
Film ka first half - location centric hai…
Don ek country se doosri country –helicopter se hotels- steamers se beach resorts –dushmano ko khatam karte hain– aur gambling den mein gaana gaate hain.
Film ka second half – climax centric hai…
Don ek computer hacker – yaane –Kunal Roy Kapoor – ki madad se – ek plan banate hai! Ye alag baat hai ki- interval ke pehle - ya interval ke baad - audience ko na plan samajh mein aata hai - na kahani – aur na hi Don!
…Samajh mein nahi aata hai -ki agar Don ko gyarah se zyada -mulkon ki police talash kar rahi hain - to wo khulle aam - sadkon par -aur bussomein - kyon ghum raha hai…?
…Agar Don underworld ka baadshah, sabse akalmand hai – to har khatarnakh kaam – wo khudd kyon karta hai...? Apne aadmiyon se kyon nahi karwata…?
….Aur agar Don duniya ka sabse amir aadmi hain - to wo paison ke liye itna pagal kyon hain…?
Film mein kuch character - aur kuch factual - disorders hai…
…Mana ki Don aur Roma ka Love Hate relationship hai – magar Roma - Don se impressed zyada aur rattled kum nazar aati hain…
...Shah Rukh - Hrithik Roshan ke chehre ka mask pehanta hain- wahan tak baat samajh mein aati hai…
Magar mask ke saath - unki height - aur awaaz apnata hain wo baat unconvincing hain.
Film mein kahani nahi hai– magar dialogues bohat achche hain.
Narrative nirrass hai - magar music- khas taurpe background score -badhiyya hai.
Hrithik Roshan - sirf ek scene ke liye aate hain - aur wo film ka sabse behtareen sequence hain!
Don 2 SRK ka most physically demanding role hain-different locations- accents –hairstyles -action sequences…
Magar jiss tarha se Shah Rukh ne Devdas ko internalize karke- apna bana liya tha -wo Don ko dil se nahi apna paaye.
Shayad isliye - kyon ki film mein sab kuch– chase, glamour, music, dance, promising Kunal Kapoor – stunning Priyanka Chopra – aur Shah Rukh Khan ke hote hue –bohat kuch missing hai – aur aapka man nahi lagta!!
Don 2 ko milte hai 2** stars.
To ye thi iss hafte – yaane year end ki release -Agle hafte – yaane – agle saal- phir mulakate hogi -Tab tak ke liye mujhe dijiye ijaazat -Happy New year to all of you.
Cinema Review / Zee Cinema Friday 9PM
92.7 Big FM Saturday-Sunday
ऐसा लगता है कि कुछ अकलमंद, प्रसिद्ध और सब-कुछ कर लेने में सक्षम लोग मिलकर आपस में निपट मूर्खता करने का जान-बूझकर खेल खेलते हैं। इसे "हारी होड़ लगाना" कहा जाता है, ऐसी स्पर्धा का हिस्सा बनना जिसमें पराजय सुनिश्चित हो....डॉन का किस्सा भी कुछ ऐसा ही है दीदी...........
ReplyDeleteI always thought such movies were to glorify Shahrukh Khan and your review confirmed my belief. I like the way you have written the review. Bahut accha laga padhte hue jaise maano kahani chal rahi hain. I'm subscribing to your blog from here and congratulations on earning a new fan :) .
ReplyDelete