Cutting Chai with Bhawana Somaaya - Day 415

Time to honour our police force.

15/8/14

Ajay Devgan produced aur Rohit Shetty directed Singham Returns 2011 ki Singham ka sequel hain.

2011 ki Singham mein, Bajirao, yaane Ajay Devgan, apne Goa ke saathi officer ki atmahatya ka pratishodh karte hain.

Singham Returns mein DCP Bajirao, yaane phir se Ajay Devgan, apne Mumbai saathi ka rahsayamay maut ka parda faash karte hain!

Singham mein Bajirao, Shivgadh ke gaon walon ko bagair chargesheet kiye, pyaar mohabbat se nyay dilate thhe.

Singham Returns mein Bajirao, wohi aadarsh Mumbai Police Station mein apnate hain.

Singham mein Bajirao khatanakh goonde, corrupt seniors aur politicians ke saath vyast hone ke bawajood romance ke liye samay nikalte thhe.

Singham Returns mein wo dhongi Baba aur Chief Minister ke chakkaron ke saath saath Kareen Kapoor ka khayal rakhte hain.

Singham ka plus, film ka jaan leva action aur police force ke samman ka message tha.

Singham Returns ka plus bhi action director Rohit Shetty, Ajay Devgan ka sincere performance aur police samman sandesh hai.

Singham, Returns Singham jitni engaging na sahi, Ajay Devgan ke liye dekhne layak hai.

Singham ko Big Entertainment Ratings milte hai 3 stars.

Bhawana Somaaya / Tweets @bhawanasomaaya