Cutting Chai with Bhawana Somaaya - Day 258

Mr Joe B is confusing

03.01.14

Iss hafte do releases hain. 

 Ramesh Bokade/ Bholaram Malaviya produced aur Samir Tewari directed Mr Joe B Carvaloh sirf title nahi hero Arshad Warsi ka naam hain.Film ki kahani bhul bhulaiya hain.Arshad detective hain jisse sab criminal samajhte hain. Javed Jaffrey criminal hain jisse sab pagal samajhte hain.

Soha Ali Khan police officer hain jo kabhi bar mein nachti hain aur kabhie uss se bhi badtar pesh aati hain.

Himani Shivpuri andhi hain magar use maloom nahi ki wo dekh nahi sakti shayad isiliye har kirdar jo man mein aata hain wo karta hain.

Director Samir Tewari ka irada hume hasana tha – magar afsos film ka humour hume samajh mein nahi aaya.

Mr Joe B Caravaloh ko Arshad Warsi ki spirit aur Javed Jaffery ke multiple disguises ke liye Big Entertainment ratings milte hain 2 stars. 

************************************************************

Sholay 3D worth it

GP Sippy Produced/ Ramesh Sippy directed Sholay hume aaj bhi yaad hain.

Hume yaad hain Salim-Javed ke likhe har dialogue, cinematographer Dwarka Divecha ka har frame, music composer RD Burman ka  sangit aur Dharmendra, Sanjeev Kumar, Amitabh Bachchan, Hema Malini, Jaya Bhaduri, Amjad Khan ka har scene aur dialogue!

Aaaj untaalis saal baad Pen Movies aur GP Sippy ke potte Sasha aur Shaan Sippy iss classic ko 3D avtaar mein pesh kar rahe hain.

Iisme special effects diya hain Ketan Mehta ki company Maya Digital ne aur additional music paroya hain composer Raju Singh ne.

75 ki Sholay ko outdoor location shooting aur post production ko milakar 2 saal lage thhe.  

2014 ki Sholay3D ko animator genius Frank Foster ke saath 350 members ki mehnat mein bhi 2 saal lage hain.

Untaalis saal pehle Sholay ka budget 3 Carode rupaya jo 30 theatron mein release hui thi aur Mumbai ke Minerva theatre mein 5 saal lagatar chali thi.

 Sholay3D ka budget 25 Carod hain aur desh videsh ko milakar 1000 screens mein release hui hain.

Untaalis saal pehle Sholay ne hamara bharpoor manoranjan kiya tha.

Sholay3D  ek baar phir Ramgadh ki purani yaadein taaza karti hain.

Sholay3D ko rassille kirdaar, bekhauff ghuddsawanr aur rangili Dhannu ke liye Big Entertainment Ratings milte hain 5 stars.

Bhawana Somaaya/ @bhawanasomaaya