Vikas Bahl likhi directed Shaandar, Bipin Sharma, yaane Pankaj Kapoor ke pariwar aur unke
samdhi, Sanjay Kapoor ke beech tayy ki gayi shaadi ki kahani hai.
Film ke sabhi kirdaar, shaadi ke functions ke dauran
introduce hote hai aur iss khushi ke mauhal mein judta hai ek aur rishta,
Aliya, Bipin Sharma ki chooti beti aur wedding planner Jaginder Joginder yaane Shahid Kapoor ke beech.
Film ka plus: director ek jaani pehchani kahani ko
tedhi medhi raah chalkar, interesting bana dete hai.
Unke kirdaar aisa kuch nahi karte ya kehte hai,
jiski hume unse umeed ho...
Director emotional scenes ko comic aur flashback
scenes mein animation ka shara lekar stereotypes ko todte hai.
Jiss tarha se unki peechli film Queen bahar se toh thukrayi
dulhan ki kahani thi. Magar asal mein, kuch aur nikli. Ussi tarha se,
Shaandar bhi, bahar se ‘business deal’
par asal mein, alag ehsaas hain!
Door se, film mein dhol bajte hain, goliyaan barasti
hai, lambi gaadiyaan bhaagti hai aur chartered planes aasmaan mein ghumte hain.
Nazdeek se mehsoos karo, toh badlon mein ghode
akriti badalte hain, titliyaan bageeche mein jhumti hain aur mendak paani mein
chalang maarte hain...
Kuch sitaron se chupate hue, kuch baraon se churate
hue, director Vikas Bahl, ek baar phir, hasi mazak mein gehri baat keh jaate
hai…!
Shaandar
dekhni chahiye Pankaj Kapoor/ Shahid Kapoor /Aliya Bhatt ki super chemistry aur
unke saath kadam milati hui, ek nayi aadakara, Sana Kapoor ke liye!
Shaandar
ko umda khayal aur bahtaren performances ke liye Big Entertainment Ratings
milte hain 3.5 stars.
@bhawawanasomaaya
No comments:
Post a Comment