Tuesday 27 November 2012

Not to be missed


Film: Life Of Pi
Producer: Ang Lee, Gil Netter, David Womark
Director: Ang Lee
Cast:  Suraj Sharma, Irrfan Khan, Tabu, Adil Hussain
Genre: Drama, action, adventure

Life of Pi - issi naam ki prize winning kitab par adharit angrezi  film hain jo Broke Back Mountain jaisi  Oscar winning film banane wale director Ang Lee ne direct ki hain.
Ye kahani hain - ek saise teenager ki  jo lambe arse tak ek life boat par beech sarovar phas  jaata hain aur uske saath hain ek Tiger - jo iss muskil daur mein uska akela saathi bhi hain aur jaani dushman bhi.
Pi Pondicherry ki khupsurat gulliyon mein apne maa baba aur bade bhai ke saath rehta hain. Pi ke pita zoo ke malik hain isliye Pi ka janwar ke saath ek rishta hain aur Pi ke uncle swimming champion hain isliye Pi ka paani se bhi ek khaas rishta hain.
Aam taurpar kitabon par adharit filmein zyadatat audience ko disappoint karti hain. Ye  shayad pehli film hain jo kitab se bhi bahtareen sabit hui hain.
Iss film mein zindagi se juddi teen baton ka zikkr hota hain – prakruti – insaan aur bhagwan!
Film ki bemisaal cinematography aur computer imageries aap ko prakruti ki sundarta aur prakruti ka rosh  dikhati hain…
Pi ki bhumika mein bahtareen kalakar Suraj Sharma aap ko insaan ke dhairya aur hauslein ka saamna karati hain…
Aur aakhir mein bhagwan…Kya sachmuch mein bhagwan humari madad ko aate hain…ya ye humare andar ki hi koi shakti hain…
Irfaan Khan film ke sutradhar hain – Canada mein apne pariwar ke saath rehte hain aur accented English mein baat karte hain.
Tabu jisne Irfaan ke saath Maqbool ki hain ismein chotte Pi yaane Suraj Sharma ki maa hain.
Film ki likhawat – soch aur sandesh lajawab hain. Canadian author kitab ke akhri pages mein aapko bandh kar rakhte hain. Director Ang Lee film ke climax mein aapko deewana bana dete hain.
Ye shayad pehle film hain jahan lambe arse tak koi dialogues na hote hue - aap do ghante 8 minute tak  bade parde se nigah nahi hata sakte ho.
Life of Pi ko kissi bhi haal mein – kissi bhi film buff ko miss nahi karni chahiye.
Life of Pi ko Big Entertainment Ratings milte hain 5 stars.