Cutting Chai with Bhawana Somaaya - Day 210

Boss is not always right

16.10.2013, Mumbai  

 

Boss is not always right

Viacom produced aur Anthony D’souza directed Boss 70 ke dashak mein bani sainkdo Robinhood filmon ki tarha hain, jo burro ke saath burra aur achon ke saath acha karta hain.

Jurm ki duniya ka Big Boss/Danny Danzongpa, Masterji/Mithun Chakraborty ke bête Surya/Akshay Kumar ko apni duniya ka waris yaane Boss bana deta hain.

Boss aur Big Boss jab contract lete hain usse nibhate hain. Danny gussa bhi mazaak mein karte hain aur Akshay kumar maar fight scenes music ke saath karte hain.

Waise toh ye pariwarik film, jahan bada bhai chotta bhai ko bachane aata hain, magar aisi family film jahan shaukh se khoon kharaba darshaya gaya hain.

 Danny Danzongpa beech sadak ladte hain…Shiv Pandit mall mein…Ronit Roy vardi pehankar aur Akshay Kumar truck ke upar, basti mein, dargah ke bahar, mandir ke aas paas, beech bazar aur climax mein sumsan jagah par!

Ye aisi pariwarik film hain jahan rape ko trivialize kiya hain, aurat ko property bulaya hain aur bache ke haath mein, bus yuhi pistol thamaya hain!

Boss mein kahani hain, jaan nahi.  Samvaad hain, dil nahi. Rishte hain, jasbaad nahi. Kalakar hain kuch karne ko nahi sivay Ronit Roy ke!

Aditi Rao swimming pool se nikalti hain, Shiv Pandit jail mein chikhta hain. Akshay Kumar haste hasate hain.
Film mein hero sab ko ‘Beech mein bolne se tokta hain kyon ki Boss is always right!

Iss baar hume beech mein bolna padega : Sorry Boss, you are wrong!

Boss ko Big Entertainment Ratings milte hain 1.5 stars jismein se aadha star Ronit ke liye hai.

Bhawana Somaaya