Chulbul Panday Returns

Iss hafte ek ki release hai Arbaaz Khan ki Dabangg 2.

Aam taurpe filmein sirf do prakar ki hoti hain.

Ya toh filmein achi hoti hain ya phir film burri hoti hain.

Magar Salman Khan ki filmein na achi hoti hain - na hi burri hoti hain - wo sirf aur sirf Salman Khana ki  film hoti hain.

Dabangg 2 sahi mano mein Dangg ka sequel hain. 

Wohi josh ,Jalwa, jhatka matka - kuch purani aur kuch nayi baton ke saath.

Peechli baar Chulbul Panday Lalganj mein thhe.

Iss baar Pandayji ki posting Kanpur mein hain isliye kuch Kanpur ki sadkein, kothiyaan aur wahan ki cheheal pehal film mein nazar aate hain.

Peechli baar Chulbul Panday pita Vinod Khanna aur bhai Makhi Singh ke dushman thhe.

Iss baar saara pariwar Tv serial ke pariwar ki tarha saath saath hain.

Peechli baar Chulbulji Sonakshi Sinha se ishq ladaye the.

Iss baar wo apni patni par puri tarha se kayal hain.

Peechli baar Munni thi. Iss baar bhi Munni hain.

Peechli baar Zandu Balm ka item number tha. Iss baar Kareena Fevicol ka item number sajati hain.

Peechli baar Pandayji action cop the.  Iss baar wo sper cop hain -ahan jaate hain sena saath lekar jaate hain – ladne ke liye nahi hasi mazak karne ke liye.

Peechli baar jab wo gunde ko marte the toh ainn mauke par gunde ka mobile baja tha.

Iss baar bhi jab wo gunde ko maarte hain toh ainn mauke par gunde ka mobile bajta hain.

Dono baar call maa ka tha aur dono baar Panday maa ko Namaste karte hain.

Peechli baar Salman Khan ne trouser belt ko pakad kar ek special dance step kiya tha.

Iss baar unka trouser belt apne aap uchalkar dance karta hain.

Peechli baar wo action aur romantic hero thhe.

Iss baar wo bhavook hokar kabhi kabhi ro bhi lete hain.

Peechli baar climax scene mein villain Sonu Singh ko dekhkar  unka shirt gusse mein apne aap phat jaata hain.

Iss baar wo villain ko shirt utarte dekhkar apna shirt nikalkar unki jamke pitai karte hain.

Peechli baar Chulbul Panday ek se do hue the. Iss baar wo do se teen hote hain. 

Sach toh ye hain ki Salman Khan ki film ka review karn mushkil hi nahi namumkin hain aur ye namumkin  Dabangg se Dabangg 2 ka promotion karwaya hain producer director Arbaaz Khan ne.

Toh Dabangg 2 ko Big Entertainment Ratings milte hain 3 stars.