Cutting Chai with Bhawana Somaaya - Day 167

Cutting Chai with Bhawana Somaaya - Day 167

Chennai Express :Crazy but works

09.8.2013, Mumbai

 

UTV - Red Chillies produced aur Rohit Shetty directed Chennai Express kismet connection ki kahani hain.

North ke halwai dukan ka eklauta waris, Rahul apne dadaji ki ashthiyaan  lekar Goa ke liye rawana hota hain magar chadhta hain Chennai Express mein.

South ke chotte gaon ki Meenama jaana chahti hai apni saheli ko milne Pune, magar galti se pakadti hain Chennai Express.

Train ke safar mein kuch aisa ho jata hain ki do ajnabee, isharo mein gaana gaate hain aur yahan se shuruaat hoti hain unke anginat asafal plans ki.

Film ki story, screenplay, dialogues, music, choreography, performances, aur action ka sirf ek motive hain – entertainment!

Chennai Express apne genre ki pehli mainstream film hain, jisme Tamil aur Angrezi bhasha ke bawajood,  subtitles ki zaroorat nahi padti.

Aisi film ka seriously review karna darshak ko mislead karna hoga. Meri raii hain ki darshak apna dil/dimag/soch ghar pe chodkar,  iss action packed drama ka popcorn ke saath maza le!

Deepika Padukone Sholay ki Hema Malini ki yaad dilati hain aur ShahRukh Khan DDLJ  ke Raj ki….

Fark itna hai ki director Rohit Shetty sarson ke khet aur Switzerland ki fizaein ke bajai, aapko Kanyakumari ki Kathakali aur Rameshwar ke mandir ki sairr karate hain.

Unki heroine chiffon sadi nahi, rangeen ghagra choli mein nachti hain! Hero hatte- katthe villain ko maarta hai aur sensless comedy se aapka dil bhelaata hai.

Chennai Express ko Big Entertainment Ratings milte hain 3.5 stars