Shudh Desi Romance heals
6.9.2013, Mumbai
Aditya Chopra produced aur Maneesh Sharma directed Shuddh Desi Romance YRFilms banner se ek aur prem kahani hain.
Iss baar location hain Jaipur, kirdaar teen: ladka Raghu yaane Sushant Singh Rajput.
Ladkiyaan do, yaane Gayatri/ Pariniti Chopra aur nayi ladki Tara/Vaani Kapoor
aur samasya sabki same: Commitment!
Jaideep Sahni likhi ye anokni prem kahani refreshing aur contemporary
hain aur Raghu/ Gayatri/ Tara aaj ki pidhi ke naujawan jo apna dil/ dimaag pal
pal badalte hain.
Har love story mein ek buzurg zaroori hota hai. Iss film ka
mazedaar buzurg hai Rishi Kapoor.
Nayi ladki Vani Kapoor impressive hain. Parineeti Chopra
natural aur Sushant Singh Rajput Kaipo Che ke baad ek lambi udan ke liye
taiyaar hain.
Director Maneesh Sharma ne peechli baar Band Baja Baraat se
humara swagat kiya tha, iss baar wo hume baraat mein shamil kar dete hain.
Film ka plot thoda repetitive hai aur pace kuch dheema. Shudh
Desi Romance na hi desi hai aur na hi shudh – magar romantic zaroor hain
Shudh Desi Romance ko pyaar mein nayi bahar lane ke liye, Big
Entertainment Ratings milte hain 3.5 stars.
Bhawana Somaaya / @bhawanasomaaya
No comments:
Post a Comment