Friday 4 March 2016

DAY 774 - Jai Gangajal belongs to Priyanka



Prakash Jha likhi directed Jai Gangajal unhi ke banner ki saal 2003 ki Gangajal ka sequel hai. Gangajal mein SP Amit Kumar, yaane Ajay Devgan, Bihar ke Tezpur disctrict mein appoint hote hain aur wahan ke gundo ko eint ka jawab pathar mein dekar logon ko rahat dilate hain.  Jai Gangajal mein SP Aabha Mathur, yaane Priyanka Chopra, Bihar ke Bankipur zilla ki pehli mahila officer hain jo Bankipur aur Lakhisarai zille ke neta aur goondo ko nidar hokar, muh tod jawab deti hain. Film ki kahani wohi – police/politician ka nexus hain, jahan Gangajal  mein villains’ baap bete thhe, iss baar khalnayak do bhai, yaane Manav Kaul aur Rahul Bhatt hain. Prakash Jha ki baaki filmon ki tarha, iss baar bhi, hum Bihar ki rajneeti hum shehar ki beech sadak anubhav karte hain. Zilla ke neta bheed ko cheerte hue aam aadmi par kabhi bhi, kahin bhi laathiyaan aur goliyaan barsate hain! Film ka plus: film ka music, engaging narrative aur dialogues, film bahtareen likhi or darshayi ki gayi hai. Film ka minus: Plot predictible hai aur background score bina wajeh shor machata hai. Film excessively violent hai har ek hadh ke baad asahay ban jaati hai…

Film ka surprise, film ke writer/director Prakash Jha actor ke avtaar mein… Jha ki dialogue delivery impressive hai bas thodi camera se dosti karni baaki hai... Film ki shaan Priyanka Chopra hai – jo apne kirdaar ko na sirf action scenes mein, magar police station aur court kacheri ke bahar bhi saath lekar chalti hai. Ek scene mein wo apne dushman ko maarte hue kehti hain, ‘Vardi aurat mard ka antar nahi karti’ aur ye saabit karti hai! Jai Gangajal dekhni chaiye, film ke nek sandesh ke liye: ke shaalat chahe kitne bhi badtar kyon na ho jayein, samaaj mein sab se taqatwar hota hai aam aadmi aur usse bhi badhkar, uska zameer!

Jai Gangajal ko Big Entertainment Ratings milte hai 3 stars.


@bhawanasomaaya







No comments:

Post a Comment