ABCD bores, Special 26 engages!
8.2.2013, Mumbai
Iss hafte 2 releases hain.
UTV produced aur choreographer Remo directed ABCD reality dance show par adharit
nritya master Vishnu yaane Prabhu Deva ki kahani hain.
Vishnu zyati matbhed ki wajah se Kaykay Menon ki dance
school chodkar basti ke bachcon ke saath ek aur paathshala kholta hain.
Yeh achi baat hain ki director ne Dance India Dance ke
bachon ke saath ek feature film bana ne ko socha hain magar afsos ki ye nek
khayal bas yahi tak seemit hain.
Film mein na kahani hai na well etched out charaters
aur na hi koi real conflict! Subject nritya ka hote hue- film mein na koi
yaadgaar steps hain na bhav – aur na hi 9 mein se ek bhi rass.
Remo D'souza aur Prabhudeva ke hote hue – film ke
choreography aud dance mein koi jadu nahi hai.
Iss se bahtar dances aur drama hum TV Dance shows mein
dekhte aaye hain – jahan hume 3D ke chashme bhi nahi pehan ne padte.
Sivay film ke End Credits jahan Tamil gaane par Hindi
cinema ke saare master choreographers ne ek saath dance kiya hain – film mein
kuch bhi nahi hain.
ABCD ko Big Entertainment Ratings milte hai 2**
stars.
************************************************************************
Viacom 18 produced aur Neeraj Pandey directed Special 26 80 ke dashak ki satya ghatna
par adharit kahani hai jab ek naqli CBI team ne Mumbai ke leading jewellery
showroom par raid kar ke sab kuch chura liya tha.
Subject umdda hai aur film ki casting absolutely
appropriate..!
7 lead characters – 4 naqli: Akshay Kumar, Anupam
Kher, Kishore Kadam aur Rajesh Mishra aur 3 asli: –Manoj Bajpai, Jimmy Shergil
aur ekk naya chehra ke bawajood - sabhi kirdar par purra dyan diya gaya hai –
sab ke strength and weakness - agla peechla bataya gaya hai.
Film ka screenplay detailed, intelligent, well
researched aur realistic hai. Film ka background score aur woh bhi raid scenes
ke dauran tension badhata hai…
Saare performances note perfect hain. Director sabhi
acors ke saath insaaf karte hain. Anupam Kher ko emotion scene milte hain,
Akshay Kumar ko action romance, Manoj Bajpaye ko drama. Aise bhi scenes hain
jab actos kuch nahi karte magar nazar aata hai ki director soch raha hai.
Special 26 director Neeraj Pandey ki pehli film A
Wednesday jaisi hai bhi aur nahi bhi hai.
Film hume agga karti hai ke koi bhi crime ke baad FIR
lodge karna humara kartavya hai. Fark sirf itna hai ki iss baar director protagonist
ke bajai antagonist ka saath deta hain jo thoda unsettling hain – magar kyon ki
ye satya ghatna par adharit hai isliye jayaz bhi hai.
Special 26 ka sirf ek minus point hain – hum na chahte
hue uss A Wednesday se compare karte hain.
Special 26 ko Big
Entertainment Ratings milte hai 3.5 ***^ stars.
(For the complete review tune into 927Big Fm over the
weekends, suno sunao life banao)
Bhawana Somaaya/ www.bhawansomaaya.com
No comments:
Post a Comment