Chalk and Duster is gutsy and emotional - DAY 747

Jayant Gilatar directed Chalk and Duster kahani hain school/ school teachers’ aur humare Education system ki.

Ek classroom ke bheetar, teacher ke paas apne student ki har samasya ka solution hota hain, magar class ke bahar, wohi teacher, anginat mushkilein aur paristhitiyon se jhunjhti hain…

Kantaben School ki shikshikaaein har roz, nayi chunautiyon ka saamna karti hain magar ek din unke dhairya ka baandh toot jaata hain…

Purani filmon mein ‘Teacher’ ke kirdaar hamesha aadarshwadi hote the, magar dheere dheere, pata nahi kyon, ‘Teacher’ humari filmon se adrishya ho gayein! 

Film ka plus: film ka refreshing subject, sangit aur actual locations ko capture karti hui Baba Azmi ki cinematography.

Film ka minus: bohat zyaada nahi, magar ekada scene lambe hain aur kuch refrences predictible aur cliched hain.

Chalk and Duster dekhni chahiye, writers Neetu-RanjeevVerma ke vyaktigat kahani, Divya Dutta ke negative performance, Shabana Azmi ki swabhimani Vidya Sawant aur Juhi Chawla ki niswarth Jyoti Thakur ke liye.

Film ka sabse bada hero, film ka sandesh aur film ki neeyat hai…Hum sab ne, na jaane kitni baar ‘Guru Bhrahma, Guru Vishnu, Guru Devon Maheshwara’ ka uccharan kiya hai, magar palan nahi kiya!

 Chalk and Duster wo saare guruon ko sharadhanjali hain, ek saaf suthri film jisse hum pariwar/ dost aur guru/ shishya ke saath garv se dekh sakhte hain.

Chalk and Duster ko Big Entertainment Ratings milte hain 3.5 stars.

@bhawanasomaaya