Tuesday 20 December 2011

Review - Pappu Can't Dance Saala , Jo Hum Chahein , Faraar


Namaskar - Cinema review mein - main Bhawana Somaaya - aapka swagat karti hoon…
 Iss hafte teen releases hain – aur teenon chotti budget ki non starrer films hain.
Ek love story – ek  action - aur ek romantic comedy…



Pehle baat karte hain – romantic comedy- yaane- R Vision India produced aur Saurabh Shukla   directed - Pappu Can’t Dance Saala ki.
Vidyadhar Acharya – Vinay Pathak -Banaras se hain - aur Mumbai ki ek private company mein salesman hain...
Wo ek govt colony mein kirayedar hain – public transport se office jaate hain- aur roz –aloo purri ka lunch karte hain…
Shyam ko Vidyadhar – kaidesar ghar lautte hain aur hanuman challisa padhne ke baad – chainnse so jaate hain…
Jab tak ke - unki nayyi padosan nahi aati….
Vidyadhar ki padosan –Mehek  - yaane Neha Gupta – bhi chotte shehar se hain aur Mumbai mein -filmon mein chorus dancer hain.



Mehek  - din mein rehearsal aur shooting ko jaati hain - aur shooting ke baad – der raat tak party karti hain.
Film ka first half - unn paristhitiyon ke baare mein hain – jahan Mehek aur Vidhyadhar ko majboori mein - ek hi flat share karna padta hain.
Kahani ka premise interesting hain - aur writer Saurabh Shukla ki likhawat rassili hain.
Problem film ka second half hain– characters aur kahani predictible ho jaate hain - aur bohat saare alag tracks main plot se jud jaate hain.
Film ka pace slow hain – characters over exaggerated aur dialogues repetitive.
Samajh mein nahi aata hain ke film - Mumbai ke baare mein hain – chotte shehron ke baare mein hain – ya phir sitaron ki duniya ke baaremein hain…
Iske bawajood ke film ka sangit – lyrics -locations-choreography – aur saare performances lajawab hain – film mein mann nahi lagta.
Shayad isliye - kyon ki humne isse milti julti - bohat saari filmein dekhi hain…
Ya phir isliye - ke hum Vinay Pathak – ko ek hi type ki comedies mein baar baar dekh kar tang aa gayye hain.
Ismen koi do raii nahi ke Vinay Pathak bohat hi talented artiste hain aur unke saath har ek heroine superior performance deti hain…
Magar wo jab se filmon mein aaye hain - tab se common man ka role hi karte aaye hain aur Pappu - unki ek hi genre ki – iss saal ki chathi film hain.
Aur ek baat –film ke title ka - kahani ke saath - koi lena dena nahi hain.
Pappu Can’t Dance Saala – ko bahtareen performances  2** stars.

Amar Gill produced aur Pawan Gill ki likhi likhi Jo Hum Chahe Rohan Bhatia aur Neha Kapoor ki prem kahani hain.



Rohan MBA graduate hain aur Mumbai - stock broker banne aaya hain.
Neha filmon mein heroine banne aayi hain…
Done milte hain…kareeb aate hain aur pyaar hojata hain…!
Har prem kahani mein obstacles aate hain - ismein bhi aate hain – a samna karne ke baad - jo hero heroine chahte hain - wahi hota hain…
Jo audience chahte hain – yaane The End- ke liye humme dhai ghante -tak intezar karna padta hain...
Jo Hum Chahe ko iss lambe intezar ke liye milta hain - 1 * star.

M Cinefix Producers ki Faraar - ek aise ladke ki kahanihai jisne bachpan mein – gallti se - ek aadmi ko accident mein maar diya tha.



Salaon guzar jaate hain - magar Arjun Sen - iss hadse ko nahi bhula pate.
Sutani Gupta ki kahani aur Shafiq sheikh ki choreography ke liye Faraar ko milte hain 1 * star.

To ya thi iss hafte ki releases - ahafte phir mulakate hogi – tab tak ke liye mujhe dijiye ijjazat – Namaskar.


Cinema Review / Zee Cinema Friday 9PM
92.7 Big FM Saturday-Sunday 

2 comments: