Fugly raises issues, Chal Bhaag bores!
13/06/2014
Grazing Goats produced aur Kabir Sadanand directed Fugly,
chaar doston ki kahani hain.Dev yaane Mohit Marwah, tourist guide banna chahta
hain. Devi, yaane Kiara Advani apni maa ki khushi chahti hain.
Gaurav
yaane Vijender Singh World cup jeetna chahta hain aur Aditya, yaane Arfie Lamba
apna family business chamkana chahta hain.
Ye
saare sapne sach ho sakte thhee, agar, unki mulaqat, Police Inspector Chautala,
yaane Jimmy Shergil se naa hoti!
Film
ka premise contemporary hain, casting refreshing aur actor’s ke beech ki
chemistry terrific!
Arfie
Lamba hasmukh hain, nayi jodi Mohit Marwa aur Kiaira Advani effective magar
baazi marte hain Chautala, yaane Jimmy Shergill.
Film
ke kuch sequences lambe hain, kuch repetitive hain, aur kuch pehloo nazar
andaaz kiye gaya hai – jaise mushkil samay mein charon doston ke pariwar aur
unki aam zindagi!
Phir
bhi Fugly dekhni chahiye kyon ki
Director Kabir Sadanand samaaj se jude hue aham muddein uthate hain…
Desh
ke shahido ki neglected families, bade shehron ki bimariyaan jaise - drugs/
rave parties/ eve teasing/blackmail aur police se politics tak faila hua
corruption!
Fugly ko
nek vichar aur sandesh ke liye Big
Entertainment Ratings milte hain 3 stars.
************************************************************************
Saini Hyder produced aur Prakash Saini directed, Chal Bhaag Purani Delhi me rehne wale
teen badmashon ki kahani hain.
Munna Supari, yaane
Deepak Dobriyal jo baat baat par chakkoo chalata hain.
Bunty Chor yaane Tarun Bajaj jo wallet aur chain churata hai.
Aur Daler yaane Varun Mehra jiske nazdeek jaane se wo katne ko
aata hain.
Ek raat, beech sadak, shehar ke MLA ka khoon ho jata hain aur
ilzaam aata hain Munna/ Bunty aur Daler par!
Chaal Bhaag chor police ki bhaaga bhagi ki kahani hain. Na
ismein koi naveenta hain aur na entertainment.
Behtar hoga agar aap iske peeche na bhaage.
Chal Bhaag ko Big Entertainment ratings milta hain 1
star.
Bhawana Somaaya / Tweets - @bhawanasomaaya
No comments:
Post a Comment