Friday 8 August 2014

Cutting Chai with Bhawana Somaaya - Day 410

Bhow Bhow to Entertainment!
8/8/2014

Kumar Taurani produced aur Sajid Farhad likhi Entertainment ek amir aadmi aur uski karodon ki milkat ki kahani hain.

Jaise ki aise cases mein aksar hota hain, ek karodpati ke guzar jaane par, achanak sainkdo waaris utpan ho jaate hain.

Iss kahani mein Pannalal Johri yaane Dalip Tahil ke chaar waaris hain: Do villains yaane Prakash Raj aur Sonu Sood, ek hero yaane Akshay Kumar aur ek kutta, yaane Entertainment.

Ek film critic, kuch filmon ko pasand karti hain, kuch ko na pasand karti hain.

Kuch filmein usse gussa dilate hain aur kuch filmein aisi bhi hoti hain jiske liye critic ke paas koi reaction nahi hota.

It’s Entertainment no reaction wali film hai.

Agar paanch producers, teen writers, do directors milkar aise khayalat ko manoranjan ka darjja denge, toh hum critics ke paas bhi koi reaction nahi hoga.

Entertainment ko karodo rupaye zaya karne ke liye Big Entertainment Ratings milta hai 1 star.

Bhawana Somaaya / Tweets - @bhawanasomaaya


No comments:

Post a Comment