Monday, 29 April 2013

Cutting Chai with Bhawana Somaaya - Day 94

'Aashiqui 2' too long – 'Shree' too complicated.
26.04.2013, Mumbai

1990 directed Mahesh Bhatt Aashiqui - aspiring singer Rahul aur anath ladki Anu ki love story thi.

2012 directed Mohit Suri Aashiqui 2 – superstar singer Rahul aur uski shagird- Aarohi ki prem kahani hai.

Aashiqui - chotti kanani ki lambi film thi – jiski highlight Nadeem Shravan ke 11 superhit gaane thhe.

Aashiqui 2 aur bhi zyada lambi aur repetitive film hai jiske 11 gaano mein - sirf 2 superhit tracks
hai.

Aashiqui 2, Aashiqui film ka nahi balke - film ke characters ka sequel hai…

Tab Rahul ko apne career se zyada - Anu ke career ki parwah thi… Ab Rahul ko Arohi ke career ki parwah hai.

Tab bhi Rahul unreasonable tha..! Ab Rahul aur bhi unreasonable aur dramatic hai!

Anu tab - darri aur sehmi hui thi – Aarohi - Rahul ko milne ke baad- seham jaati hai!!

Director Mohit Suri unke emotional outpourings mein itne ulajh jaate hai - ki wo kiissi aur detailing par dhyan nahi dete.

Na Rahul ka failure convincing hai - na Aarohi ka success...

Film ka plus - film ke 2 gaane aur lead pair Aditya Roy aur Shradha Kapoor hain.

Film ka minus – balke sabse bada problem - hero ka characterization hai.

Samajh mein nahi aata ki Rahul ke paas - paisa - pyaar – pariwar- shohrat – ghar - business contacts - efficient manger – hote hue - wo sharabi kyon hai?

Na aap ko Arohi ke liye dukh hota hai – aur na Rahul ke liye sahanubhuti!

Aashiqui 2 ko Big Entertainment Ratings milte hai 3 stars.

***

Vikram Shah produced aur Rajesh Bachchani directed Shree –ek sadharan aadmi ke asadharan din ki kahani hai.

Shree ka boss- uss se apni zindagi ke 12 ghante mangta hai – aur ye 12 ghante uski zindagi badal deta hai.

Main qubool karti hoon ki mujhe kahani - kirdar samajh nahi aaye. Wo shayad isliye kyon ki subject 12 ghanto ka tha aur film do ghante ki.

Mere hisab se hero Hussain ko filmmaker se - apni zindagi ke 12 ghate wapas maang ne chahiye.

Shree ko Big Entertainment ratings milte hai 1 star.

Bhawana Somaaya / www.bhawanasomaaya.com

No comments:

Post a Comment