Deepika-Ranbir delicious!
31/05/2012, Mumbai
Karan Johar produced, Ayan Mukherjee directed Ye Jawani Hai Deewani kahani hain chaar doston - Avi– Aditi- Naina aur Bunny ki.
Iske pehle bhi, humne bohat saari dosti ki filmein dekhi hain. Aur dosti ki kahaniyon mein pyaar ko dabe paun aate hue mehsoos kiya hain.
Ye Jawani Hai Deewani wo saari filmon se alga hai – kyon ye sirf film nahi, ek khupsurat anubhav hai! Anubhav dosti ka– pyaar ka – rishton ka- zindagi ka- aur sabse badhkar, prakruti ka!
Director Ayan Mukherjee hume parbat ki chotti par se aasmaan dikhate hain hai, kille ke upar chadkar suryasth dikhate hai, gulal mein bhaang milakar holi ke rang udate hain, shaadi mein champagne se nehlate hai, desh ki chotti sadkein aur pardes ki rangeen raatein ghumate hai.
Aisa lagta hain jaise purri film mein ek nasha hai aur iss nashe ke saath saath hai ek chaab jasbadon se bharra, jiska har dam ehsaas hai magar izhaar.
Humara dil bhar jaata hai magar hum rotte nahi, hum muskurate hai magar thahake lagakar haste nahi.
Film ko alag banati hai film ki bahtareen writing, Pritam ka sangit aur flawless performances. Kunal Roy Kapoor, Kalki aur Aditya Kapoor extra-ordinary hai. Cocktail ki extroverted Deepika Padukone introverted Naina ki bhumika mein sehmi hui hai aur Ranbir Kapoor Barffi se zyada meetha .
Film dekhne ki 5 vajah hai: Writer/Director Ayan Mukherjee. Deepika-Ranbir ki superchemistry. Jab wo saath aate hain toh mausam badal jaata hai aur Ranbir Kapoor- Ranbir Kapoor aur Ranbir Kapoor!
Wo ‘Badtameez dil’ hoga jo iss film ko na pasand karega jisse dekhkar sab kahenge, “Mogambo khush hua!”
Ye Jawani Hai Deewani ko Big Entertainment ratings milte hai 4 stars ke saath saath purri caast ko ek jadu ki jhappi.
Bhawana Somaaya / Twitter: @bhawanasomaaya
No comments:
Post a Comment