Friday 13 November 2015

Prem Ratan Dhan Payao continues Rajshri Tradition - DAY 699 (2)

Sooraj Barjatya likhi/directed Prem Ratan Dhan Payo Rajshri Production banner ke mizaaj ki film hai jahan sab acha hain aur sab ke saath bhi aakhir mein acha hi hota hai.

Maine Pyaar  Kiya, Hum Aaap Ke Hain Kaun, Hum Saath Saath Hain aur Vivaah ke baad, Saooraj Barjatya, ek aur saaf suthri prem kahani ya yun kahiyen, ek aur pariwarik kahani laayein hain.

Iss baar, wo teenage love ya just engaged/ maried couples ke muddein nahi, aaj gharane ke baadshahi thaat baat ke kisse laayein hain.

Isme Neil Nitin Mukesh jaise yuvraaj hain, Swara Bhasker jaisi rajkumariyaan, shaandar sets, baag bageeche, sheesh mehale aur mahlon ki oonchi deewaron ke peeche chupi gehri raajneeti.

Aisi kahaniyaan 70 ke dashak mashoor thi, magar dheere dheere, bilkul gayab ho gayi…Sooraj Barjatya wohi raja/runk ki kahani ko aaj ki bhasha aur bhaav mein pesh karte hain.

Film ka plus: film ki casting, cinematography aur music.  Ismein rang hai, rass hai, jazbaa hai, masti hai.
Film ka minus:  film lambi hai, zaroorat se zyaada gaane hai, plot restricted hai aur climax predictible.

Sooraj Barjatya ki sabhi filmein parampara ki baat karti hai… Prem Ratan Dhan Payo bhi, isse aap tehvar ke din pure parivar ke saath dekh sakte ho!

Prem Ratan Dhan Payo ko Big Entertainment Ratings milte hai 3 stars.  

@bhawanasomaaya


No comments:

Post a Comment