Friday 10 May 2013

Cutting Chai with Bhawana Somaaya - Day 105

Gippy - Go Goa Gone -  Four Two Ka One
11.05.2013, Mumbai

Gippy for teenagers

Karan Johar produced Gippy - 14 saal ki Gurpreet Kaur aur uske aapsi rishton ki kahani hain. Gurpreet thodi moti aur thodi clumsy hain.

Class ke doori ladkiyon ki tarha nahi use ladkon mein dilchaspi hain - aur nahi sajne sawarne mein.Wo har raat icecream khati hain aur Shammi Kapoor ke ganon par dance karti hain – tab tak jab tak use pyaar nahi ho jata.

Gippy ke kirdar mein Riya Vij golmattol aur meethi hain - aur baaki namak milate hain Gippy ka chotta bhai - Arbaaz Kadwani aur bade dil walimaa Divya Datta.

Film one track - one dimensional aur slow hain magar. Plus ye hai ki Dharma Productions diverse subjects aur naye directors ko protsahan deta hain.

Gippy ko Big Entertainment Ratings milte hain 3 stars.

 ***

Go Goa Gone for whacky
Go Goa Gone kahani hain- teen dost – Kunal Khemu/ Vir Das/ Anand Tiwari aur unki Goa mein guzari ek hassen ya yun kahiye khatarnakh sham ki.

Ye apne Genre ki pehli Indian film hain – jo zombies ke baare mein hain.Aur kyon ki pehli film hain - isliye thodi ajeeb bhi hain.

Film ka minus – film ki burri zaban- jo subject ke hisab se jayaz hain – magar kanon ko taklif deta hain!

Film repetitive hain aur ek samay baad hum burri shakal/ burre vyavhar ko dekh kar tang aajate hain.

Film humourous hain – writing witty hai -aur sabhi actors ne kamal ka kaam kiya hain - phir bhi Go Goa Gone sab ke flavour ki film nahi hain.

Go Goa Gone ko Big Entertainment Ratings milte hain 3 stars.

***

Four Two ka One for MKD followers

Director Anwer Khan 20 saal Manmohan Desai ke assistant rahe.

Sunil Shah ki Four Two ka One ek tarha se Manmohan Desai ki filmon ko tribute hain – sirf ek antar hain – ismein bhai bichadkar nahi milte hain– suitcase bichadkar milti hai.

Mana ki Anwer Khan ki chotti budget/ chotti starcast/ mediocre film apne guru ki alishaan filmon ki parchayein bhi nahi chooti...

Magar unki filmon ki spirit zaroor pakadti hain - Four Two ka One bhi Manmohan Desai ki filmon ki tarha – 2 ghante mein sab ko poetic justice deti hain.

Four Two ka One ko Big Entertainment Ratings milte hain 2 stars.

Bhawana Somaaya / www.bhawanasomaaya.com

No comments:

Post a Comment