Ghost
who entertains
11.04.14
BR Films-T Series produced aur Nitesh
Tiwari directed Bhootnath Returns
saal 2008 ki release Bhootnath ka
sequel hain.
Bhootnath mein bhoot,
yaane Amitabh Bachchan apne dost Bankku ko chodkar aatma ki duniya lautt aate
hain.
Bhootnath
Returns
mein wo apni sachai ko sabit karne ke liye, ek baar phir, manav nagri wapas
aate hain!
Iss baar unka dost banta hain Akhrot
yaane bahtareen adakara, Parth Bhalera!
Jahan Bhootnath pariwarik bandhano ke baare mein thi, Bhootnath Returns samajik aur rashtriya muddein
uthati hain.
Film
ka plus: ensemble performances, sangit, novel concept aur sabse badhkar film ki
neeyat aur iska shrey puri writing team ko jaata hain.
Film ka minus: bohat saare muddein aur bohat simple solutions jase public/ police/ politician/ media/
medicine aur municipality, jo ek
hadh ke baad gyaan lagne lagti hain.
Iske bawajood Bhootnath Returns do wajeh ke liye significant hain.
Pehla aur aham, film ki timing jo
chunaou ke mahaul mein sateek baithti hain.
Doosra, 72 saal ke hero Amitabh Bachchan
bagair romance/drama/action/ family aur
kabhi kabhi bagair dikhe bhi, sirf apni awaaz ki bulundi par aap ko 2.5 ghante
ke liye jakad kar rakhte hain.
Bhootnath desh mein parivartan laana chahte
han aur laate hain…!
Isse ittefaq kahiye magar Amitabh
Bachchan ki filmo ne bhi Hindi cinema ke har dashak mein parivartan laaya hain.
70 ke dashak mein angry man, Zanjeer.
80 ke dashak mein aam aadmi, Coolie.
90 ke dashak mein anti establishment, Agneepath.
2000 ke dashak mein acharya, Mohabbatein.
2010 mein naujawan senior citizen Buddha Hoga Terra Baap aur 2014 mein aaj ke ummeedvaar, Bhootnath Returns.
Bhootnath Returns ko Big Entertainment Ratings milte hain 3 stars.
Bhawana Somaaya/ @bhawanasomaaya
No comments:
Post a Comment