Flashback
1980’s
04.04.14
Balaji
produced aur David Dhawan directed Main
Tera Hero college campus romance hain.
Seenu
yaane Varun Dhawan Conoor se Bengalaru padhne aata hain aur usse Sunaiyna,
yaane Ileana Dcruz se pyaar ho jaata hain.
Sunaiyna
Seenu se door bhagti hain kyon ki police inspector Aangad, yaane Arunodaya
Singh har wo ladka jo Sunaiyna ke kareeb aata hain se dushmani mole leta hain.
Iske
bawajood, Seenu Sunaiyna se dosti kar leta hain aur unka romance bas khilne ko
hain, jab kahani mein twist aata hain!
Ab Sunaiyana, Anupam Kher ke paas Bangkok
mein, ek bandi ke taur par hain.
Sunaiyana
ki talash mein Seenu… aur Seenu ki talash mein Aangad… Bangok pohachte hain…
Aur
kyon ki kahani mein kuch khaas karne ko nahi hain, isliye sabhi, hassi mazak aur
naach gaane mein vyast ho jaate hain.
Film
ka maqsad manoranjan hain aur iske liye music, choreography, one line witty dialogues,
six packs, item numbers, sab kuch hain.
Ileana
aur Nargis rang birangi costumes badalti hain aur hero Varun Dhawan ek saath romance/
comedy/ action/ dance sab kuch karta
hain!
Main Tera Hero
80 ke dashak ki David Dhawan filmon jaisi youth ke liye ek time pass film hain.
Aur
Varun Dhawan, Govinda ki tarha hi ek complete entertainer!
Main Tera Hero
ko Big Entertainment Ratings milte hain 2.5 staars jisme se aadha star Varun ke
super confidence ke liye hain.
*****
Thirsty
for Jal
Girish
Malik produced/ directed Jal Kutch ke
Rann ki kahani hain, jahan do kabile, aas paas rehte hain aur ek doosre se
paani ke liye ladte hain!
Bakka
yaane Purab Kohli apne kabile ka Jaldevta hain jo hawa ke rukh aur dharti par
kaan rakh kar batata hain ki kunwwa kahan khudwana chahiye.
Ek
din Rann mein pardesi aate hain jo Rann ke panchi Flamingos ko bachana chahte
hain.
Bakka
unka marg darshan karta hain aur pardesi machine ki sahayta se kunwa khudwate
hain aur kaam pura hone par, machine sahit wapas lautt jaate hain!
Jal
Rajasthan ke sookhe ke saath saath aur bhi muddein uthati hain.
Film
ka production design, costume, dialogues, music, gaane aur saare performances outstanding
hain.
Cinematographer
Sunita Radia rett ki aandhi mein hume lappet leti hain aur Jaldevta ki bhumika
mein Puab Kohli sehra ki kadakti dhoop mein Bakka ko jeeta hain!
Pehli
baar hume kudrat ke krodh aur banzar zameen ke shraap ka ahsaas hota hain.
Ek
scene mein gaon wasi kehta hain ‘Baarish har jagah baristi hain, humare yahan
kyon nahi aati?’ tab doosre kehta hain ‘Insaan bhi panchiyon ko bachane ki
sochte hain, humare baare mein koi nahi sochta!’
Director
Girish Malik ne socha hain…Aisi film sachi neeyat aur jigar ke bagair nahi ban
sakti…
Jal ko
iss prayas ke liye Big Entertainment Ratings milte hain 3 stars.
Bhawana Somaaya/ Tweets
@bhawanasomaaya
No comments:
Post a Comment