'Roy' is complex and intriguing.
13/2/2015
T series produced aur Vikramjit Singh likhi directed Roy ek aur kahani hain mayanagri aur vastavikta
ki.
Ek aur kahani cinema banane wale nirdeshak aur uski kalpana
ki.
Ek kalaakar apne zehan se, ek kirdaar ki rachna
karta hain aur dheere dheere, usiki rachna, uski zindagi ka hissa ban jaata
hain.
Sawal ye hain ki kya kalaakar wo rachta hain, jo wo
apni zindagi mein chahta hain? Ya phir, uski rachna uss se apni manmaani
karwati hain?
Film ka nayak Kabir, yane Arjun Rampal, ek nirdeshak
hain. Arjun ki film ka nayak Roy, yaane Ranbir Kapoor ek chor, hain.
Arjun ki prerna Aisha/ Jacqueline Fernandes hain aur
Ranbir ki prerna Tia bhi Jaqueline Fernandes hain.
Film bahtareen likhi aur stylishly shoot ki gayi
hain. Film ke refreshing locations, realistic art direction aur khoobsurat cinematography
film ke plus hain.
Director details ko ahmiyat dete hain, apne har
kirdaar ki choti se choti baat ka kahayal rakhte hain jiski wajah se saare performances
unique aur interesting hain.
AD ki bhumika mein Shernaz Patel ki sanjidgi,
director ki bhumika mein Arjun ke jasbaadi uttar chadhaav aur chor ki bhumika
mein, Ranbir ki soch aur khamoshiyaan, aap ke dil mein utar aaatie hain!
Jacqueline Fernandes ke dono kirdaar Aisha aur Tia
Hindi cinema ke double roles ko nayi disha dete hain.
Roy
lambi hain, dheemi hain, confusing hain, complex bhi hain kyon ki film vishay
ke hisab se banti hain.
Kuch filmein hum popcorn khaate, baat cheet karte
dekhte hain...Roy unn filmo mein se
nahi hain…!
Ismein har ehsaas, haule se izhaar kiya gaya hain…Roy sammaa bandhti hain…Thehraav maangti
hain…!!
Isse aise logo ke saath dekhiye, jo cinema ko aap
jitna hi pasand karte hain, kahani mein aap jitni hi dilchaspi rakhte hain.
Debut director Vikramjit Singh ko dilchasp aur
anokhi Roy ke liye Big Entertainment
Ratings milte hain 3.5
No comments:
Post a Comment