'Shamitabh' – is teamwork
6/2/2015
R Balki directed Shamitabh
kahani hain do kalakaaron ki.
Ek, jisse hum parde ke upar dekhte hain, yaane
Dhanush. Doosra, jisse hum sunte hain, yaane Amitabh Bachchan.
Film ka plus, anokhi kahani, Illaiyaraja ka soulful music,
novel casting, detailed characterizations, aaj ke daur ki bhasha, aapsi rishte
aur saare performances.
Ye director Balki ki khasiyat hain ki wo har baar
kuch naya sochte hain.
Saal 2007 ki Cheeni Kum - aakarshan ke baare mein thi.
Saal 2009 ki Paa
- jasbaadon ke baare mein thi.
Aur ab saal 2015 ki Shamitabh – team spirit ke baare mein hain, ke saath chalne se hi
aage badhaa jaata hain.
Jahan Cheeni
Kum aur Paa humare dil ko choo
gayi thi Shamitabh - humare dimaag se
tehalte hue dil ki raah dhoondhti hain.
Iske kai kaaran hain: film ka cinema centric subject
aur vishay se judi samasyaein aur situations.
Subject Speaking Disability ke baare mein hain,
isliye narrative zyaada technical or informative hain.
Film lambi hain, thodi disjointed hain, kahin par repetitive
hain aur kahin kahin niras bhi…Asal mein film ke plus hi film ke minus hain
jaise subject anokha hain – isliye unsettling hain aur rishte unnatural hain – isliye
uncomfortable hain!
Shamitabh
mayanagri
par filmayi gayi ab tak ki saari filmon se bilkul nirali hain aur isse dekhni chahiye film ke teen ekko ke
liye: Naya chehra Akshara Haasan, jo
aaapke hosh udaa dengi. Dhanush, jo aap ko apne rang mein rang dega aur 40 saal
ke career ke baad bhi aap ko chaunka dene waale Amitabh Bachchan!
Film ke ek scene mein, Whiskey aur Paani mein ke
mahatva par charcha hoti hain jab ki nasha dono ki maatra se nahi mishran se
hota hain.
Kuch ussi tarha se teeno actors mein kiska mahatva zyaada
hain ka ulekh karna, film ke sandesh ke khilaaf hoga.
Shamitabh ko nirbhay
prayaas aur bahtareen sandesh ke liye Big
Entertainment Ratings milte hain 3.5 stars.
Bhawana
Somaaya /@bhawanasomaaya
No comments:
Post a Comment