Be Ghanchakkar!
28/06/2013, Mumbai
28/06/2013, Mumbai
UTV produced aur RajKumar Gupta
directed Ghanchakkar kahani hai ek bhulakkad chor aur uski
fashionable patni ki.
Bunty aur Babli ki tarha
Sanjay-Neetu peshayi chor hain, magar ab sab chod chuke hain.
Sanjay ko 35 karod ka offer aata hai
aur Sanjay, retire hone se pehle, ek aakhri baar jurm ki duniya mein
lauta hain.
Teen mahine baad jab Sanjay ke saathi
hissa lene aate hain, tab Sanjay apni yaadash kho chukka hain.
Ab unko ko paise chahiye aur Sanjay ko
yaad nahi ki usne paise kahan chupayein hain.
Film tukdo mein interesting hai - aur
tukdo mein hilarious. Bank robbery sequence jahan teeno mukhwate
pehankar aate hain, film ka best moment hain. Doosra shandar moment
hai jab sab sab Ghajini ki baat karte hain...
Film ke characterisations/performances
film ke plus hain. Emran Hashmi-Vidya Balan ke takkar ke jodi bante
hai Rajesh Sharma aur Amar Kaushik.
Film ka minus, plot, story line aur
repetitive information hain.
Ek samay baad, hum wohi 2 bedroom
apartment ke kitchen /fishtank/ passage mein ghutan mehsoos karte
hain.
Camera jab bahar bhi jaata hai toh wohi
railway station/ train/ taxi/ crowded sadkein dikhata hain.
Aamir Khan ki Ghajini ke baad,
ye bhi amnesia ki kahani hain – Ghajini zyada violent thi,
Ghanchakkar zyada provocative hai – yaane adult viewing ke
liye hain.
Chakkar ke andar chakkar hain aur ye
Ghanchakkar khalli dabba zyada shor hain.
Ghanchakkar ko Big Entertainment
Ratings milte hain 2.5 stars.
Bhawana Somaaya / @bhawanasomaaya
No comments:
Post a Comment