Friday 7 June 2013

Cutting Chai with Bhawana Somaaya- Day 126

'YPD 2': Not magical enough!
07/06/2013, Mumbai

Dharmendra produced aur Sangeeth Sivan directed Yamla Pagla Deewana 2 ko dekhne ke pehle darshakon ko kuch baatein batana zaroori hai.

No 1: Yamla Pagla Deewana 2 film ka nahi – film ke title ka sequel hai, isliye darshak -story, plot ya presentation mein comparisons na kare.

No 2:  Ye characters ka prerogative hain, ki wo apne naam aur past ko apni marzi se badal de. Isliye Gajoder Singh yaane Bobby Deol iss baar Prem bane hai. Sunny Deol jo peechli  baar, Vancouver mein ek bache ka baap thhe, iss baar New York mein ishq lada rahe hain.

No 3: Ye writer ka prerogative hain,  ki uske paas story ho na ho, wo duniya bhar ke tricks, purane gaane aur purane kisson ki guthliyon mein aapko uljhkar rakhenge.

No 4: Ye producer ka prerogative hain ki wo apni film dil se banaye, dimag se banaye ya phir sirf paise se!  Yamla Pagla Deewana 2 paise se banayi film hain, jo props se bharpur hai:

Ismein Helicopter hai, Gorrila hai , Mercedes  hai, Mansions hai aur sabse badi baat Paghdi hai...

Iske alava film mein zabardast supporting cast hain, khupsurat ladkiyan hain aur shaandaar locations hai...

Matlab, sab kuch hain, sivay - ek kahani aur logic ke!

Afsos ki Dharmendra ka anubhav, Bobby Deol ka josh aur Sunny Deol ke dhai kilo ka haath milkar bhi humara manoranjan nahi kar pata.

Yamla Pagla Deewana 2 - ko – theatre mein takiye aur blanket ke saath - Big Entertainment Ratings milte hai 2 stars.

Bhawana Somaaya / @bhawanasomaaya

No comments:

Post a Comment