Friday 25 September 2015

Kapil entertains Bhandarkar disappoints - DAY 664



Abbas Mustan directed Kis Kis Ko Pyaar Karun kahani hai Kapil Sharma yaane SRK (Shiv Ram Kishen) ki, jo asal mein ek hi insaan hain magar teen naam se teen alag alag zindgiyaan jeeta hai.

Apni ye mushkil zindagi thodi aasan banane ke liye, SRK ne apni teeno patniyaan, yaane Simran, Juhi aur Anjali ko, ek hi building mein alag alag floors pe thehraya hain.

Kahani Cocktail Towers ke teen floors aur SRK ki teen patniyon ke ird gird ghumti hai, tab tak, jab tak ke, SRK ki chauthi patni, yaani Elli Avram natak mein shamil nahi hoti!

Film ka plus: Abbas Mustan Kapil Sharma ko ek original performer ki tarha pesh karte hai.

Film ka bada plus: Kapil Sharma jo ek bahtareen comedian hi nahi sampoorna kalakar hai.

Kapil Sharma saabit karte hai that he can sing, he can dance and he can cry!!

Unka saath dete hai, unke dost ki bhumika mein, ek aur bahtareen adaakara, Varun Sharma.

SRK ke eklaute saale ki bhumika mein Arbaaz Khan hilarious hai!

Film illogical hai/ senseless hai/ stupid hai magar entertaining hai, Kapil ke show ki tarha nahi, algg tarike se, aur shayad isiliye film dekhni chahiye.

Kis kis ko Pyaar Karun ko Big Entertainment Ratings milte hai 3 stars.
                                                                                       
                                                                    
                                                                  **


Madhur Bhandarkar likhi/produced/directed Calendar Girls Bhandarkar ke vyavsayik genre ki ek aur film hai.

Iske pehle, Bhandarkar ne hum Dancing bar/Corporate/Fashion/Film world, yahan tak ke Page 3 celebrities aur Traffic Signal par bheekh maangte aur kaam karte logo ke baare mein filmein di hai jo jeevan aur samaj ki sachai hai.

Iss baar wo bade Calendaron par dikhti glamorous tasveeron ka parda faash karte hai.
Chotte shehron se bade sapne lekar paanch ladkiyaan maya nagri aati hai, aur pehle hi photo shoot mein professional ban jaati hai.

Film ka minus: film ka unconvincing aur exaggerated screenplay. Bhandarkar Calendar Girls ki safalta ke baad ki kahani mein iss tarha se kho jaate hai ki  wo unke safal ban ne ke sunghursh ko bhul jaate hai.

Wo do insaan, business man Suhail Seth aur photographer Rohit Roy jo ladkiyon ko Calendar Girls banate hai, unka do scenes ke baad kabhi zikar nahi hota.

Saare performances bejaan hain aur paancho heroines ek jaisi lagti hain jo apne aap ko Calendar Girl kehkar introduce karti hai, mano wo Calendar Girl nahi Ms World ho!

Ashcharya ki baat ye hai, ki film aakhir tak, Calendar Girls ka arth nahi samjahti jaise ki ye humari zindagi mein aam baat ho.

Na film mein Chandni Bar ke jasbaad hai, na Page 3 ki sachai aur na hi Fashion ki kadwahat.

Haan iss baar Bhandarkar positive end laaye hai magar afsos film dil ko nahi chooti.

Calendar Girls ko Big Entertainment ratings milte hai 2 stars.


Bhawana Somaaya/ @bhawanasomaaya




  


No comments:

Post a Comment