Plight of Migrants
30 / 05/ 2014
Mukesh Bhatt produced aur Hansal Mehta directed Citylights Rajasthan ke chotte gaon ke chotte vyapari, Deepak Singh ki kahani hain.
Deepak kapde
ki dukan chalata hain, uske paas zyada paise nahi hain magar wo apne pariwar ke
saath santoosht hain.
Sanjog Deepak
aur uske pariwar ko gaon se shehar aana laata hain aur dheere dheere unke uske
saare sapne todta hai.
Sean Ellis
ki film Metro Manila par adharit
Ritesh Shah adapted Citylights ek aur
bade shehar ki roshni mein pallte jurm aur akelepan ki dastaan hain.
Aisi
filmein humne post partition se ab tak bohat baar dekhi hain. Citylights ko anokha banati hai sabse
pehle director Hansal Mehta ki neeyat aur sachai.
Jis tarha
se ek chidiya tinka tinka chunke apna ghosla banati hai ussi tarha se Hansal
Mehta apni kavita/ sangit aur kirdaron samit haule se aap ke dil mein jagah
banate hain.
Film ka
sabse bada plus film ki supporting cast. Hero Rajkumar Rao toh effective hain magar
nayi ladki Patralekha kamal karti hain!
Film slow
hain – depressing hain magar sachi hain, sensitive hain.
Agar aap
entertainment ki talash mein hain, toh ye film aap ke liye nahi hain.
Agar aap
zindagi se judna chahte ho toh Citylights
aap ke liye hain!
Citylights ko Big Entertainment Ratings milte
hain 3 stars.
Bhawana Somaaya/ @bhawanasomaaya
No comments:
Post a Comment